Liverpool shqetëson Milanin, Klopp i fiksuar pas...!

Futboll

Liverpool shqetëson Milanin, Klopp i fiksuar pas...!

Më: 23 korrik 2021 Në ora: 18:35
Jurgen Klopp

Dëshira për të rinovuar është e përbashkët, por Milani dhe Franck Kessie nuk po arrijnë akordin e zgjatjes së bashkëpunimit.

Mesfushori afrikan ka edhe një vit kontratë me nënkampionët e Italisë, që nuk kanë ndërmend të heqin dorë nga shërbimet e tij.

24-vjeçari është lideri i mesit të fushës dhe është kthyer në një nga pikat më të forta të skuadrës së Stefano Piolit.

“Presidenti”, siç e thërrasin shokët e skuadrës, përfiton aktualisht 2.2 milion euro në sezon. Ai pretendon 6, ndërsa Milani ofron diçka më shumë se 4 milion euro.

Distanca nuk është e vogël, por në Milanello janë të bindur që do ia dalin të sigurojnë marrëveshjen me agjentin e lojtarit.

Shumë klube po monitorojnë me vëmendje bisedimet dhe janë gati të ndërhyjnë. Mbi të gjithë Liverpool.

Trajneri i gjashtë herë kampionëve të Evropës, Jurgen Klopp e pëlqen shumë futbollistin nga Bregu i Fildishtë dhe drejtuesit e “The Reds” do të paraqesin shumë shpejt ofertën e tyre të parë. 

commentFirst article
Sot mund të lexoni Shfletoni kopertinat