Ideja e fundit që ka marrë formë në shtëpinë e Milan-it është James Rodriguez.
Kolumbiani, që vjen nga një sezon me ulje-ngritje tek Everton, është lojtarit më ekonomik i mundshëm për kuqezinjtë.
Për këtë është e bindur Tuttosport dhe menaxheri i tij, Jorge Mendes, i cili ka marrëdhënie shumë të mira me milanezët.
Me lamtumirën e Ancelotti-t dhe kalimin e Benitez në drejtim të Toffees, dyert janë mbyllur për James, dhe lojtari i ka shkelur syrin Milan-it në ditët e kaluara, duke thënë se ka dëshirë të luajë në Itali.
Anglezët nuk kanë shumë pretendime mbi çmimin e kartonit të ish-yllit të Real Madrid, i cili është shprehur i gatshëm të pranojë në rrogë 5 milionë euro në sezon.
Milan ka disa dyshime në lidhje me formën fizike, por Mendes po këmbëngul që operacioni të realizohet.
