“Nëse i shtrydhni numrat, – thotë Greg Easterbrook, – ato do t’ju rrëfejnë gjithçka”. Kjo vlen edhe për Cristiano Ronaldon, i cili ishte një investim jashtëzakonisht zhgënjyes për Juventusin. 98 ndeshje dhe 81 gola në Serie A. Mesatarja e golave 0.82 për ndeshje është më e mira e të gjitha kohërave, duke tejkaluar 0.77 të ish-mbajtësit të këtij rekordi, Nordahl.
Rastësisht, CR7 ishte golashënuesi më i mirë në kampionatin Italian sezonin e kaluar me 29 gola. Golat e portugezit rriten në 101, në 134 ndeshje, nëse marrim parasysh edhe garat e tjera. 17 asiste zyrtare. Në tre vjet bardhezi ai fitoi 2 tituj të Serie A, 2 Superkupa Italiane dhe një Kupë Italie, por, pa gabime të veçanta, ai mori pjesë në kampionatin e vetëm që humbi Juventusi në dhjetë vitet e fundit, si dhe në tri eliminime të rënda nga Liga e Kampionëve, qëllimi për të cilin ishte blerë.
Deri më sot i ka kushtuar “Zonjës së Vjetër” afërsisht 305 milionë euro, midis transferimit dhe pagave.
Duke marrë parasysh finalizimin e tij, çmimi i secilit prej golave të 36-vjeçarit i tejkalon 3 milionë eurot (3.019.802 euro për të qenë të saktë). Ronaldo padyshim ka bërë që klubi të rritet në tërësi, duke përmirësuar pozitën e tij ndërkombëtare.
Ai, gjithashtu ndikoi në rritjen e qarkullimit të korporatave, por më pas, për fat të keq të Juves dhe të gjithëve, pandemia prishi normalitetin, duke eleminuar përfitimet financiare që rrjedhin nga prania e tij.
Me pak fjalë, doli të ishte një investim zhgënjyes edhe nga fati i keq.
Serie A gjithashtu përfitoi nga prania e Cristianos në 1.5 vitete e para, (frekuentimet në stadiumet ku luante Juve u rritën), domethënë deri në mbylljen e objekteve sportive për publikun për shkak të Covid-19.
Andrea Agnelli bleu jo vetëm një kampion, hyri në partneritet me një tjetër shumëkombësh, por të një natyre individuale. Dhe kur golat ende arrijnë, por trofetë që kanë rëndësi mungojnë dhe mosha përparon, ndodh ajo që kemi parë prej javësh. Një tension i vazhdueshëm, që alarmon, trullos. Sidoqoftë, rezulton se të gjithë kanë humbur.
