Në Gjermani, tifozët luajnë një rol kyç në vendimet e klubit, siç e dime. Rregulli 50+1, i cili i bën ata “de facto” anëtarë të klubit, është unik në botë, karakterizon Bundesligën 1 dhe Bundesligën 2.
Një ndikim aq i fortë, sa shpesh përfundon duke ndikuar edhe në vendimet në nivelet e larta, ku zërat dhe opinionet e fansave nuk duhet të hyjnë. Ashtu si në rastin e Schalke 04 dhe bllokimin për të blerë Sergi Enrich. “Bild” e shpjegon këtë situatë.
Klubi i Gelsenkirchen ishte i interesuar të nënshkruante me ish-sulmuesin e Mallorca Numancia dhe Eibar, i cili aktualisht është i lirë. Marrëveshja tani dukej se ishte në proces, por më pas një deklaratë e klubit njoftoi ndryshimin e kursit: “Ne ishim të interesuar ta merrnim Sergi Enrich si transferim falas, por në fund vendosëm kundër transferimit të tij”.
Një vendim, në fakt, u mor me shtytjen e fansave, të cilët në mënyrë masive u ekspozuan në rrjetet sociale kundër blerjes së tij. Arsyeja? Një video me “drita të kuqe”, e publikuar në vitin 2016 nga sulmuesi 31-vjeçar, me protagonist shokun e tij të skuadrës, Antonio Luna.
Skandali bëri xhiron e botës dhe çoi në një dënim me 2 vite liri me kusht, plus 100.000 euro gjobë për të dy. Gjyqi u mbyll vetëm janarin e kaluar. Tifozët e Schalke nuk e kanë harruar atë episod dhe në rrjetet sociale kanë dalë kundër blerjes së tij. Klubi respektoi ndjenjat e tyre.
Mohimi erdhi edhe nga “Emart & Soccer”, kompani që kujdeset për interesat e Enrich, e cila donte të specifikonte se blerja ishte anashkaluar për arsye ekonomike dhe mungesë marrëveshjeje. Siguria është se Enrich, megjithatë, nuk do të luajë për Schalke. Dhe tifozët në një mënyrë ose në një tjetër e fituan betejën me të.
