Vllaznia nga Shkodra humb minimalisht 1:0 nga Juventusi në Torino dhe eliminohet me rezultat të përgjithshëm në raundin e 1/16-ave të Championsin League-s për femra.
Vajzat kuqeblu, të cilat ishin ndëshkuar me dy gola në sfidën e parë në “Loro Boriçi”, pësuan në pjesën e parë në takimin e kthimit, pikërisht në minutën 34-t nga Staskova.
Me gjithë përpjekjet për të bërë diçka më tepër, Vllaznia nuk ia doli të shënonte qoftë një gol për të të rihapur takimin.
Gjithsesi, ky eliminim nuk e zbeh suksesin e kampiones së Shqipërisë, që ia doli të eliminonte Ferencvarosin.
