Pas derbit të mbrëmshëm mes Milanit dhe Interit, ‘CEO’ i Nerazzurrëve, Giuseppe Marotta, foli për ‘Rai Radio 1’.
Marotta ka theksuar se Milani është rritur me Piolin dhe janë një skuadër serioze për ‘scudetton’, gjersa ka dhënë një lajm të keq për tifozët zikaltër duke thënë se ata nuk do të bëjnë ndonjë blerje në janar.
“Dua të nënvizoj se si ndeshje ishte një pikë e bukur për futbollin italian, atëherë është e qartë se keqardhja mbetet, nuk ishim në gjendje për të sjellë në shtëpi prenë e plotë por është edhe falë kundërshtarit”.
“Jemi në një fazë ndërlidhëse të kampionatit, Milani është rritur shumë me Piolin dhe sot ka arritur një nivel maksimal dhe sot luan një rol autoritar si kandidat për Scudetto, këtë duhet ta kemi parasysh”.
Ish-menaxheri i Juventusit foli edhe për stadiumin e ri në Milano: “Gjërat po ecin në mënyrën më të mirë. Kjo është një nevojë e fortë që kanë të dy klubet dhe të dy janë në favor të nisjes sa më shpejt me bashkinë me një pamje për një nevojë për modernitet për tifozët”.
“E ardhmja do të jetë ende me ‘Suning’, i cili ka vullnetin për të vazhduar, një grup i fortë që ka investuar shumë. Ne jemi një klub ambicioz që nuk duam të shpërndajmë iluzione, por vazhdojmë të kemi një kapacitet menaxhues që na lejon të jemi ambicioz në gjithsesi.
“Sot jemi të fokusuar te grupi dhe skuadra në dispozicion dhe mbi të gjitha ekipi po i përgjigjet pritshmërive, jemi homogjenë në departamente, besoj se nuk do të bëjmë asnjë ndryshim në janar, por në të ardhmen jemi tashmë në monitorim”, përfundoi drejtori i klubit të Interit.
