Greqia është nikoqir i Kosovës për takimin që luhet në kuadër të kualifikimeve për Kupën e Botës që mbahet në Katar në vitin 2022.
Ndeshja që luhet nesër (e diele), do të fillojë në ora 20:45 dhe do të jetë një takim aspak i lehtë për të dyja skuadrat.
Selektori i Greqisë, John van’t Shchip ka vlerësuar Dardanët para lojës duke thënë se janë ekip i rrezikshëm.
“Kosova ka ekip të mirë, janë të rrezikshëm me lojtarë të fortë dhe të shpejtë”, deklaroi fillimisht ai.
“Mbrojtësit e tyre janë agresivë. Ne duhet të jemi shumë të fokusuar, ta mbajmë topin në zotërim dhe të kemi pozicionin e duhur për ta fituar atë”.
“Nuk do të jetë ndeshje e lehtë, por duam të bëjmë gjithçka për të marrë tre pikët nga ky duel”, shtoi më tej John van’t Shcip.
Greqia momentalisht ka nëntë pikë në grup më vendin e tretë, kurse Kosova është e fundit me katër pikë.
