Xavi Hernandez i ka dalë në mbrojtje portierit të skuadrës së tij, Marc-Andre Ter Stegen, lidhur me gabimet e fundit nga portieri.
Ter Stegen ka qenë cak i shumë kritikave këtë sezon, pasi prodhoi disa gabime që çuan direkt në gol.
Përkundër kritikëve, Xavi konsideron se gjermani është pjesë fundamentale e skuadrës dhe përkushtimi i tij është i shkëlqyer.
“Për ne, Marc është fundamental. Përkushtimi dhe dedikimi i tij është i shkëlqyer. Ka kohë kur ka gabime, por duhet përmirësuar dhe ai e di këtë, por loja e tij me këmbë është e shkëlqyer”, ka thënë Xavi.
“Nuk ka debat, ai është një nga më të mirët në botë dhe duhet përmirësuar”, shtoi spanjolli.
Ter Stegen është me skuadrën e Barcelonës që nga viti 2014, kur kalonte nga Monchengladbach dhe që atëherë nuk ka dyshim se ka gjetur vetën si një nga më të mirët në botë në pozitën e tij.
