Pushtimi i Rusisë në Ukrainë ka krijuar një luftë të papritur që po gjeneron terror dhe shqetësim në vend dhe në pjesën tjetër të Evropës që po përdor sanksione shumë të rënda kundër Rusisë. Sporti rus në përgjithësi është vënë në provë pas përjashtimit nga UEFA dhe FIFA të të gjitha klubeve nga kompeticionet evropiane dhe kombëtares për ndeshjet e vlefshme për Botërorin 2022 në Katar.
Në këtë situatë pati edhe pasoja shumë të rënda në lidhje me sponsorizimet ruse. Gazprom, për shembull, gjigandi rus i energjisë, e pa kontratën që nënshkroi me UEFA-n si sponsor zyrtar të garave evropiane për klube si Champions, Europe dhe Conference League, por edhe Schalke 04 u prish pikërisht për shkak të pushtimit të Putinit në Ukrainë.
Sot, një tjetër gjigant i veshjeve dhe pajisjeve sportive si Adidas, ka vendosur të prishë çdo lloj marrëveshjeje me Rusinë. Marka e njohur gjermane në fakt ka njoftuar se ka pezulluar partneritetin me Federatën Ruse të Futbollit pas pushtimit rus të Ukrainës. “Adidas pezullon partneritetin me Federatën Ruse të Futbollit (RFS) me efekt të menjëhershëm”, tha një zëdhënës i kompanisë që gjeneroi 2.9 për qind të xhiros së saj në Rusi, Ukrainë dhe CSI vetëm në vitin 2020.
Situata, pra, po evoluon vazhdimisht me botën e sportit që vazhdon të rebelohet kundër Rusisë duke lëshuar mesazhe të rëndësishme dhe mbi të gjitha gjeste me rëndësi të madhe për të goditur ekonominë e vendit me shpresën se kjo luftë do të përfundojë së shpejti.
Përveç kësaj, disa sportistë ukrainas, duke përfshirë futbollistë, tenistë dhe trajnerë, kanë vendosur së fundmi të regjistrohen me ushtrinë e vendit të tyre për të shkuar në luftë dhe për të luftuar pushtimin rus që e ka gjunjëzuar Ukrainën për gati një javë tashmë.
Ndërkohë, FIFA kishte vendosur kufizimet e para që nuk kishin marrë miratim të gjerë sepse konsideroheshin si pjellë e një linje shumë të butë. Organizata udhëheqëse e futbollit kishte komunikuar se asnjë kompeticion ndërkombëtar nuk mund të luhej në territorin rus dhe se ndeshjet në shtëpi do të luheshin ekskluzivisht në fusha neutrale, pa spektatorë dhe pa qenë në gjendje të ekspozonte emrin Rusia. Për këtë do të merrte emrin “Unioni i Futbollit të Rusisë (RFU)”.
“Pas vendimeve fillestare të miratuara nga Këshilli i FIFA-s dhe Komiteti Ekzekutiv i UEFA-s, të cilat parashikonin miratimin e masave shtesë, FIFA dhe UEFA kanë vendosur sot së bashku që të gjitha ekipet ruse, qofshin ato kombëtare përfaqësuese apo ekipet e klubeve, do të pezullohen nga pjesëmarrja në te gjitha kompeticionet e FIFA-s dhe UEFA-s deri në një njoftim të dytë.
Pas vendimit të FIFA-s dhe UEFA-s për të përjashtuar të gjitha klubet dhe kombëtaret ruse nga garat, mbërrin edhe Federata Ruse e Futbollit. Federata Ruse e Futbollit nuk pajtohet kategorikisht me vendimin e FIFA-s dhe UEFA-s për të pezulluar pafundësisht të gjitha ekipet ruse nga pjesëmarrja në ndeshjet ndërkombëtare.
