Mohamed Salah është i vendosur për të nënshkruar kontratë të re me Liverpoolin.
Ende nuk është arritur një marrëveshje mes palëve, por kjo pritet që të ndodhë së shpejti.
Ministri i Sportit në Egjipt, Ashraf Sobhi, ka zbuluar se Salah është i prirur për të rinovuar kontratën me klubin anglez.
“Unë u takova me Mohamed Salahun në aeroport pas përfundimit të ndeshjes me Senegalin dhe dështimit për të siguruar pjesëmarrjen në Kampionatin Botëror.
I thashë atij që të harronte atë që ndodhi dhe të fokusohej në ato që do të vijnë më pas”, tha ai.
“E kam këshilluar që të vazhdojë rrugëtimin e tij në një klub tjetër, por qëllimi i tij tani është rinovojë kontratën me Liverpoolin. Ka fushata kundër Salahut, por i kërkova që të mos i kushtonte vëmendje atyre”, shtoi Sobhi.
Kontrata aktuale e 29-vjeçarit me “Të Kuqtë” skadon më 30 qershor 2023.
