Ademi e Hodaj pjesëmarrës në finalen e “Champions”-it të futsallit!
Me ftesë të presidentit të Federatës së Futbollit të Letonisë, Vadims Lashenko, presidenti Agim Ademi dhe u.d. sekretari i përgjithshëm, Taulant Hodaj, të dielën (më 1 maj) do të marrin pjesë në ndeshjen finale të Ligës së Kampionëve në futsall, që zhvillohet në Riga.
Në finale të kësaj gare prej orës 17:00 do të ballafaqohen Barça dhe Sporting CP, derisa paraprakisht në orën 14:00 do të zhvillohet ndeshja për vendin e tretë Asnières Villeneuve 92 – Benfica.
Ademi aktualisht gjendet në Gjermani.
