Legjenda holandeze Ruud Gullit shprehu zhgënjimin e tij për mungesën e mundësive për trajnerët me ngjyre në futbollin holandez, duke thënë se ai beson se edhe kandidatëve më të mirë holandezë me ngjyre nuk u është dhënë shansi të lënë vërtetë gjurmët e tyre në radhët e trajnerëve të ekipit kombëtar.
Gullit menaxhoi Newcastle, Feyenoord, LA Galaxy dhe Terek Grozny, ndërkohë që shërbeu si lojtar-menaxher i Chelsea për të mbyllur karrierën e tij të shkëlqyer si lojtar dhe më parë ka shërbyer si asistent për kombëtaren e vendit të tij.
Ish-bashkëlojtari i tij Edgar Davids u punësua kohët e fundit si asistent nga Holanda, por Gullit thotë se nuk ka pasur mundësi të barabarta kur bëhet fjalë për stërvitje në nivelet më të larta të futbollit holandez.
“Është mirë që e përmendni”, tha Gullit për Helden Magazine kur u pyet për emërimin e fundit të Davids. “Sa herë që shihni të gjithë ata lojtarë me ngjyre që lejohen të bëhen vetëm asistentë trajneresh. Shkoni q**uni!” i drejtohet federates…
“Çfarë lejohej të bënte Patrick Kluivert me kombëtaren holandeze? A ka bërë stërvitje? Nuk do ta dija. A ka mbajtur stërvitje Henk Fraser? Ndoshta një herë, nuk e di. A kam bërë stërvitje me Dick Advocaat? Jo! Ata tha se duhej të qëndroja mes lojtarëve, por nuk më lejuan kurrë të bëja stërvitje.
“[Advocaat] më tregoi se ai nuk kishte nevojë për mua për ekspertizën time, por unë i jam akoma mirënjohës që kam punuar për kombëtaren holandeze falë tij. Nëse më pyesni nëse do ta bëja përsëri, unë them ‘jo sigurisht qe jo’.
“Po flasim për mundësi të barabarta për të gjithë. Kur paraqiten ato mundësi të barabarta, menjëherë ka njerëz që thonë: ‘Po, por duhet të kesh cilësi’. Mendoj se është kaq e keqe, thuajse tingëllon sikur po thua se nuk kemi cilësi. Më duket shumë keq".
