Ylli holandez, Matthijs de Ligt, do të transferohet në Bayern Munich.
Raporte të shumta kanë konfirmua se është arritur një marrëveshje mes Bayernit dhe Juventusit, për transferimin e 22-vjeçarit nga Torino për në Munich, tre vjet pas ardhjes së tij nga Ajax.
Negociatat midis Zonjës së Vjetër dhe Bayern Munich tani kanë arritur në fazat e tyre përfundimtare, me një blerje prej rreth 80 milionë eurosh, duke përfshirë shtesat.
Chelsea gjithashtu kishte qenë i interesuar për De Ligt, por u tërhoq kur u bë e qartë se ai donte të bashkohej me Bayernin, shkruan Goal.
