Marseille ka njoftuar zyrtarisht për huazimin e Nuno Tavaresit nga Arsenali.
Mbrojtësi portugez kaloi testet mjekësore dje dhe sot ka nënshkruar me klubin nga Ligue 1.
Sipas marrëveshjes mes klubeve, 22-vjeçari do të jetë i huazuar te Marseille vetëm për sezonin e ri – 2022/23.
Në marrëveshjen për huazimin e tij nuk është përfshirë opsioni i blerjes, që nënkupton se mbrojtësi i krahut të majtë do të kthehet te Arsenali pas përfundimit të sezonit.
Ndërkohë, Marseille do ta mbulojë tërë pagën e Nuno Taveresit.
Ish-mbrojtësi i Benficas me Arsenalin ka kontratë të vlefshme deri më 30 qershor 2025.