Domagoj Vida është transferua në Greqi.
Mbrojtësi potent, i cili doli nënkampion bote me kombëtaren kroate në Rusi 2018, ka firmosur një kontratë 2-vjeçare me AEK-un e Athinës.
33-vjeçari ishte pjesë e Besiktasit në katër sezonet e fundit, ekip me të cilin vitin e kaluar fitoi titullin kampion, Kupën e Turqisë dhe Superkupën. Kontrata me bardhezinjtë i përfundoi dhe kaloi si lojtar i lirë në Greqi.
Vida, i cili luan në qendër dhe krahun e djathtë të mbrojtjes, ka luajtur më parë me Dinamon e Kievit, Dinamo Zagreb, Bayer Leverkusen dhe Osijek. Me dy Dinamot fitoi nga dy tituj kampionë.
