Reprezentuesi i Maqedonisë, Ezgjan Alioski, në sezonin e ardhshëm, në formë të huazimit, do të luajë për skuadrën e Fenerbahçes.
Ditë më parë, Alioski u përshëndet me kolegët e tij te skuadra e Al Ahli-t, në Arabinë Saudite, e cila do të paguajë një pjesë të pagës vjetore, ndërsa pjesën tjetër do të mbulojë skuadre turke.
Alioski në momentin e ndarjes nga kolegët e tij te skuadra e Arabisë Saudite , theksoi se sërisht do të rikthehet që të luajë në këtë skuadër.
Ndërkohë mbrojtësi i krahut te Maqedonia, potencoi se ka pasur shumë ofertë, mirëpo në vendimin final ka ndikuar edhe Elif Elmasi, që ishte pjesë e skuadrës turke nga viti 2017 e deri në vitin 2019.
Kujtojmë se Ezgjan Alioski sezonin e kaluar ishte pjesë e skuadrës Al Ahli në Arabinë Saudite, ku erdhi si futbollist i lirë, pasi kaloi 4 vite te Lidsi, ndërsa më parë ishte pjesë e Luganos në Zvicër.
