Mesfushori i Kombëtares zbret në fushë kundër skuadrës që e kërkon, zbulohen formacionet e sfidave të para të mbrëmjes në Serinë A
Seria A luan javën e dytë të saj dhe Napoli kërkon të konfirmojë dhe njëherë formën e mirë që tregojë në ndeshjen e parë. Skuadra e Spaletit pret në shtëpi Monzën dhe do të kërkojë dhe njëherë tre pikët, por ekipi i ndërtuar nga Galiani dhe Berluskoni nuk do t’ia bëjnë të lehtë.
Sfida tjetër që spikat është ajo midis Empolit dhe Fiorentinës. Vëmendje të madhe do të marrë dhe mesfushori i Kombëtares kuqezi, Nedim Bajrami, i cili prej kohësh është në radarët e klubit vjollcë.
Gjithashtu i pranishëm në këtë sfidë do të jetë dhe mbrojtësi i Kombëtares, Ardian Ismajli, i cili do ta nisë nga minuta e parë për Empolin, me trajnerin e ri, Zaneti, i cili duket se ka besim te 25-vjeçari.
