Legjenda kroate, i mirënjohuri dhe idhulli i shumë shqiptarëve të Kosovës, Zvonimir Boban, në cilësi të shefit të futbollit në UEFA dhe legjenda portugeze, Luis Figo, në cilësi të këshilltarit të UEFA-s, së bashku me zyrtarë tjerë të këtij institucioni do të qëndrojnë për vizitë zyrtare në Kosovë në muajin tetor, ka bërë të ditur Agim Ademi, president i FFK-së.
13 maj i vitit 1990, datë që gjithmonë do të kujtohet jo vetëm nga kroatët, ku para ndeshjes në stadiumin “Maksimir” të Zagrebit, mes Dinamos së Zagrebit dhe klubit famëkeq Cërvena Zvezda e Beogradit, ndodhën trazira!
Kaos në tribuna, kaos në fushë! Rrahje e përgjithshme mes tifozëve trima të “Bad Boys Blue” – BBB të Dinamos dhe tifozëve famëkeq të Cërvena Zvezdës, “Delija”.
Boban
Futbollistët duke u nxehur në fushë, për një moment shpërthyen trazirat në tribuna, tifozët futen në fushë, ndërsa milicia e regjimit ish jugosllav përdori dhunë!
Futbollistit të Dinamos së Zagrebit, Zvonimi Boban, në një moment i vlon gjaku dhe nuk e duroi dhunën e shfrenuar, ai në stilin e karateistit e godet milicin Refik Ahmetoviq, duke e hedhur në tokë.
Ky gjest i Bobanit në mbrojtje të tifozëve, ndezi edhe më shumë tensionet në fushë dhe në tribuna!
Nga ana tjetër, provokuesit e Cërvea Zvezdës me kriminelin e luftës Zhelko Razhnatoviq – Arkan, ikin e fshihen brenda stadiumit! Nga kjo ndeshje filloi shembja e Jugosllavisë artificiale.
Edhe krimineli Arkani ka qenë në mision me Zvezdën famëkeqe.
Bobani vjen në Kosovë, miku më i madh i shqiptarëve! Bobani mbahet mend sot e asaj ditë, 13 maj të vitit 1990, kur e hodhi në tokë milicin ish jugosllav, që e gjithë bota e komentoi veprimin e tij.
