Zlatan Ibrahimoviç ka një jaht të ri dhe nuk bën asgjë për ta fshehur. Në të vërtetë, sulmuesi i njohur i Milanit, së fundi ka shpërndarë një video në rrjetet e tij sociale, në të cilën zbulon detajet e “varkës” së tij të re luksoze. Bëhet fjalë për një jaht Oasis 34 nga Benetti, kantieri më i vjetër italian i jahteve luksoze, i cili ka gjatësi prej 34 metrash dhe vlerë mbi 15 milionë euro.
Jahti i ri i Zlatan Ibrahimovic është prodhuar në Itali. I ndërtuar dhe nisur në Viareggio në kantieret historike Benetti, mjeti privat lundrues i futbollistit të famshëm është një perlë e vërtetë. Quhet “Unknow” dhe përmban një pishinë të integruar pafundësie, garazh ‘jet ski’ dhe brendësi të personalizuar luksoze, siç shihet në imazhet e shpërndara të Ibra-s në Instagram.
Jahti luksoz i Zlatan Ibrahimovic është 34.36 metra i gjatë dhe shtrihet në pesë nivele. Dizajni i jashtëm u trajtua nga studio angleze ‘Rwd’, ndërsa dizajni i brendshëm nga studioja e New York-ut ‘Bonetti / Kozerski Architecture’. Marrëdhënia me detin është e vazhdueshme dhe e zgjeruar nga linjat e jahtit, i cili karakterizohet nga hapje krahësh që shtrijnë kuvertën deri në ujë, por të sigurt nga dallgët.
‘Unknow’ mund të strehojë deri në dhjetë pasagjerë në pesë kabina të rehatshme dyshe me banjë, si dhe shtatë anëtarë të ekuipazhit në katër kabina të tjera. Jahti i prodhuar nga Benetti përfshin në bord një pishinë pafundësie të integruar në kuvertë dhe një në zonën sociale të varkës, me pamje 270° të detit, disa tarraca dhe zona solariumi që ju lejojnë për të shijuar hapësira të mëdha ndarjeje si në një oaz të këndshëm midis sallës së madhe të brendshme dhe kuvertës së jashtme.
Zlatan Ibrahimovic e inauguroi jahtin e tij të ri luksoz këtë verë. Benetti është një garanci për këtë lloj “varkash” unike, të përfunduara deri në detajet më të vogla, me orendi cilësore dhe dizajn të jashtëzakonshëm. ‘Unknow’ ka gjithashtu një zonë të madhe garazhi me një marinë për ‘jet ski’, të cilët janë pasioni i madh i futbollistit të famshëm.
Në bordin e modelit Oasis 34, të ndërtuar për sulmuesin e Milanit, u bënë disa personalizime që sigurisht rritën koston e jahtit. Në disa vende të shitjes së jahteve luksoze, modeli Oasis 34 i Benetti ka një kosto që fillon nga 15 milionë dollarë, por sipas disa burimeve, ky i Ibrahimovic ka kushtuar rreth 20 milionë dollarë.
