Frenkie De Jong ishte shumë afër transferimit në Premier League, aty ku e pritnin Chelsea dhe Manchester United, por një gjë e tillë nuk do të ndodhë. Mesfushori holandez do të vijojë karrierën te Barcelona.
25-vjeçari e ka shprehur publikisht dëshirën e tij për të mos u larguar nga “Camp Nou”. Katalanasja Sport.es raporton se De Jong ka vendosur të ulë pagën e tij, duke plotësuar në këtë mënyrë nevojat e klubit.
Mes drejtuesve dhe lojtarit tulipan është rikthyer raporti dhe atmosfera e mirë, ndërkohë që presidenti Joan Laporta, i gëzuar për veprimin e lojtarit, do të nisë së shpejti bisedimet e rinovimit të kontratës.
De Jong u transferua për 86 milionë euro nga Ajaksi te Barcelona në verën e vitit 2019. Kontrata aktuale me klubin spanjoll i përfundon në vitin 2026.
