Ademi priti dy profesorët e Universitetit Amerikan të Kuvajtit!
Presidenti i FFKsë, Agim Ademi, ka pritur sot dy profesorët e Universitetit Amerikan të Lindjes së Mesme në Kuvajt, dr. Blerim Limani dhe dr. Daniel Brown.
Ata e njoftuan kreun e FFK-së rreth aktivitetit të tyre në këtë universitet si dhe për projektin rreth zhvillimit të një hulumtimi për futbollin e viteve të 90-ta nën kushtet e pushtimit serb dhe larg objekteve të stadiumeve, si njëra nga format e rezistencës së popullit shqiptar në Kosovë.
Ademi i falënderoi dy profesorët për vizitën dhe i përgëzoi për këtë nismë, teksa vlerësoi se shembulli i zhvillimit dhe mbijetesës së futbollit në një formë të tillë në vitet e 90-ta ka qenë unik dhe i papërsëritshëm.
