Kampioni italian, AC Milan, para pak çastesh e ka konfirmuar transferimin e Sergino Dest nga gjiganti i La Ligas, Barcelona.
Dest i bashkohet “Rossonerëve” në një marrëveshje huazimi nga Barça, por që në marrëveshje është përfshirë edhe opsioni me të drejtë blerjeje.
Dest kaloi te Barcelona nga skuadra e Ajaxit në vitin 2020, ku që nga ajo kohë ka arritur të bëjë 72 paraqitje duke regjistruar dy gola mbi emrin e tij.
Po ashtu, reprezentuesi amerikan arriti që të fitojë Kupën e Spanjës me Barçën, ndërsa sa i përket nivelit me kombëtaren amerikane, Dest ka regjistruar tre gola në 17 paraqitje.
