Vajza e Pep Guardioës, Maria me sa duket është bërë me të dashur të ri.
Në historinë e saj në Instagram, 21 vjeçarja e ka prezantuar të paktën njërin krah të një mashkulli me tatuazh, i cili e kishte shtrirë dorën në kofshën e saj.
Influencerja, e cila numëron 408 mijë ndjekës në Instagram, po i shijon disa ditë të këndshme në Ibiza.
Maria Guardiola së fundmi ishte në lidhje me futbollistin Dele Alli, i cili gjatë verës iu bashkua Besiktasin.
Tash, askush nuk ka mundur ta zbulojë ende nëse vajza e trajnerit spanjoll është lidhur me një futbollist tjetër apo se kush është zotëria në krahun e saj.
Gjithsesi, dihet se ai nuk është Alli, pasi lojtari anglez nuk ka tatuazh luani në krahun e majtë.
Ndër të tjera, ish-futbollisti i Tottenhamit është duke dalë me modelen Cindy Kimberly.
