Karim Benzema, fitues i Topit të Artë

Karim Benzema e ka fituar “Topin e Artë” për vitin 2022.

Sulmuesi i Real Madridit e fiton këtë çmim për herë të parë në karrierë.

Francezi ishte i jashtëzakonshëm edicionin e kaluar, duke qenë lojtari kryesor në triumfin e Real Madridit në Ligën e Kampionëve dhe në La Liga.

Trofeun ia dorëzoi ish-trajneri i tij, Zinedine Zidane. 

Në ceremoninë e Topit të Artë po vazhdojnë të ndahen trofetë.

Radha ishte për çmimin e “Klubit të Vitit”.

Ky trofe shkoi për Manchester Cityn, që fitoi Premierligën dhe kishte gjashtë futbollistë të tyre të nominuar për “Topin e Artë”.

France Football po vazhdon të zbulojë renditjen e lojtarëve në top dhjetëshe, e që është një renditje tejet interesante.

Në vendin e dhjetë është renditur ylli aktual i Manchester Cityt, por që këtë renditje e ka nga garimi i tij me Borussia Dortmundin.

Në të nëntin është ish-fituesit i Topit të Artë në vitin 2018, Luka Modric, një renditje paksa befasuese dhe e papritur.

Në të tetin ka arritur të pozicionohet Vinicius Junior, që po ashtu pritej të pozicionohej më lartë.

Thibaut Coutois e ka zënë vendin e shtatë, ndërsa Kylian Mbappe dhe Mohamed Salah, janë pozicionuar në vendin e gjashtë, respektivisht në të pestin.

Kylian Mbappe është votuar si lojtari i gjashtë më i mirë në botë.

Ndërkaq, një vend më poshtë se ai u votua portieri i Real Madridit, Thibaut Courtois.

Mohamed Salah është renditur në vendin e pestë, nga France Football, në kuadër të Topit të Artë.

Salah ishte fantastik, me Liverpoolin, gjatë sezonit të kaluar, duke arritur deri në finale të Ligës së Kampionëve,

Portieri i Real Madridit, Thibaut Courtois, është shpallur portieri më i mirë nga France Football duke e fituar kështu Yashin Trophy.

Courtois shijoi një stinor të paharrueshëm me Real Madridin duke arritur ta fitojë me ta kampionatin spanjoll dhe Ligën e Kampionëe.

Belgu do të mbahet mend sidomos për performancën heroike në finalen e Ligës së Kampionëve të cilën Mbretërit e fituan 1:0.

Sulmuesi i Barcelonës, Robert Lewandowski, është zgjedhur sulmuesi më i mirë nga Frances Football.

Ai e fitoi çmimin Gerd Muller Trophy falë performancave të tij të mrekullueshme me Bayern Munchenin dhe me Poloninë stinorin e kaluar.

Lewa i realizoi 50 gola sezonin e shkuar për bavarezët.

Alexia Putellas është shpallur futbollistja më e mirë femër nga France Football, në kuadër të Topit të Artë.

Putellas ishte fantastike gjatë sezonit të kaluar me Barcelonën, duke fituar pothuajse gjithçka me klubin katalunas.

Futbollisti i Bayern Munchenit, Sadio Mane, është shpërblyer me çmimin Socrates.

Ky çmim i jepet lojtarit me iniciativën më të mirë shoqërore.

Mane njihet për humanizmin dhe kontributin e tij në vendlindje, përkatësisht në Senegal.

Mesfushori i Real Madridit, Luka Modriq, është renditur si lojtari i nëntë më i mirë në botë nga France Football.

Përfaqësuesi i Kroacisë e kishte fituar Topin e Artë një herë në vitin 2018.