Do të rrënohet dhe pastaj do të ndërtohet stadium i ri në Indonezi, aty ku mbi 130 njerëz vdiqën gjatë ndeshjes së Premierligës Indoneziane midis Arema FC dhe Persebaya Surabayana.
Ai i cili ka folur për këtë plan ka qenë presidenti indonezian, Joko Widodo.
"Ne do ta shkatërrojmë stadiumi Kanjuruhan në Malang dhe do ta rindërtojmë sipas standardeve të FIFA-s. Ne kemi rënë dakord ta transformojmë tërësisht futbollin indonezian. Çdo aspekt i përgatitjes duhet të bazohet në standardet e FIFA-s", ka thënë ai.
Presidenti i FIFA-s, Gianni Infantino ishte zotuar ta ndihmojë Federatën e Futbollit të Indonezisë pas asaj që kishte ndodhur.
"Indonezia është një vend futbolli. Futbolli është pasion këtu. Indonezianët e duan futbollin. Kështu që kur shikojnë futboll në stadium, duhet të jenë të sigurt", kishte thënë i pari i FIFA-s.
