Napoli ka nderuar sot, në takimin e fituar 4-0 ndaj Sassuolo, figurën e Diego Armando Maradonës, i cili do të mbushte 62 vjeç më 30 tetor. Statuja e kampionit argjentinas, me këmbën e majtë të artë, në fakt, është futur brenda stadiumit para ndeshjes kundër Sassuolos.
Një hap i parë në funksion të instalimit përfundimtar të statujës jashtë stadiumit, që mban emrin e tij.
“Duhet të durojmë edhe pak për vendosjen përfundimtare të statujës, sepse kemi bërë një punë të gjatë.
Shpresoj të jetë gati më 25 nëntor, – shpjegon autori i statujës Domenico Sepe, siç raporton sportmediaset –
Në rastin më të keq, do të jetë gati më 5 korrik, që është data përkujtimore e mbërritjes së Maradonës në Napoli”.
