Një Milan i panjohur, ndoshta ndër më të shëmtuarit e epokës së Piolit, u mund në Torino. Kjo bën që Napoli “të arratiset” në krye të Serie A. “Një “humbje që dhemb”, pranoi trajneri kuqezi pas ndeshjes dhe peshon edhe më shumë se 6 pikë larg majës së renditjes, sepse erdhi pas një paraqitjeje shumë zhgënjyese, me një mbrojtje të shpërqendruar dhe një sulm të paaftë për të prodhuar raste, me përjashtim të dy mundësive të bujshme të shpërdoruara nga Leao në fillim të lojës.
Një stanjacion i qartë në nivelin e lojës, që shërben si zile alarmi vetëm dy ditë para ndeshjes vendimtare në “San Siro” kundër Salzburgut, në Champions League. “Mendoj se do të jetë një ndeshje ndryshe nga Torino”, – deklaroi Pioli pas humbjes me “granatat”. Sigurisht, lajmi i mirë për trajnerin është se Champions League do të luhet në Milano, sepse këtë sezon Milani mysafir është larg atij të sezonit të kaluar.
Kjo ishte humbja e parë e Torinos pas 17 rezultateve të dobishme radhazi në vitin kalendarik 2022, seria më pozitive e pesë ligave më të mira evropiane. Sidoqoftë, këtë sezon kuqezinjtë nuk kanë bindur kurrë larg “San Siros” (3 fitore, 2 barazime dhe 1 humbje) dhe e kanë mbajtur portën të pastër vetëm në 0-0 e Reggio Emilia kundër Sassuolos.
Të gjithë elementët për të reflektuar, duke nisur nga trajneri, i cili ndoshta, para së gjithash do të duhet të përpiqet të gjejë qëndrueshmërinë mbrojtëse që Milani nisi në sprintin e kampionatit, vitin e kaluar. Është e qartë se mungesa e Maignan peshon shumë (Tatarusanu ndoshta mund të kishte bërë më shumë në golin e Miranchuk), por kuqezinjtë kanë pësuar gola praktikisht në të gjitha ndeshjet e tyre këtë sezon. Golat e pësuar në Serie A janë tashmë 13 në 12 ndeshje. Shumë, veçanërisht nëse keni parasysh se po flasim për kampionët italianë në fuqi.
Simboli i fytyrës së dështimit të papritur dhe të zhurmshëm të Milanit është me të vërtetë Rafa Leao, i cili pasi humbi dy raste në 6 minuta u zhduk nga fusha, përpara se Pioli ta zëvendësonte në pjesën e parë (së bashku me Kalulu dhe Diaz). Një ndryshim i trefishtë i bërë “për të kërkuar më shumë gjallëri dhe më shumë shtytje”, shpjegoi Pioli.
Kampionati është i gjatë, siç theksoi edhe vetë Pioli, synimi i vërtetë tani është kalimi në fazën me eliminim direkt të Champions League. Trajneri kuqezi do të duhet të jetë i mirë në shndërrimin e zhgënjimit në energji pozitive, sepse të mërkurën nuk mund të gabojë. Për fat do të luajë në “San Siro”.
