Salomon Rondon nuk do të jetë më pjesë e Evertonit dhe për këtë ka njoftuar klubi anglez.
“Salomon Rondon është larguar nga Evertoni me efekt të menjëhershëm pasi ka arritur një marrëveshje me klubin për të ndërprerë kontratën e tij.
Sulmuesi venezuelas iu bashkua Bluve nga skuadra kineze Dalian Professional në gusht të vitit 2021 dhe bëri 31 paraqitje për Everton, duke startuar në 13 ndeshje dhe duke shënuar tre gola.
Marrëveshja e 33-vjeçarit fillimisht do të përfundonte në fund të qershorit 2023”, ka njoftuar klubi nga Premier League.
