Kryesia e Federatës së Futbollit Shqiptar në Gjermani, është tronditur që dy të rinjtë nga Kosova, humbën jetën tragjikisht.
Ata përmes një letre shprehën ngushëllime për familjet Seta e Hyseni.
“Kryesia e FFSHGJ ngushëllon familjet Seta e Hyseni dhe FC Albania Mainz-Kastel
Para dy ditësh (më 16.12.2022) në mënyrë tragjike, në Wiesbaden (Gjermani) humben jetën dy bashkatdhetarët tanë Admir Seta (40 vjeçar) dhe Leutrim Hyseni (31 vjeçar). Siç njoftoi policia e Wiesbadenit, ata vdiqën nga goditja e një treni në këtë qytet.
Admiri ishte futbollist i disa klubeve gjermane dhe më vonë trajner i klubit shqiptar FC Albania Mainz-Kastel, kurse Leutrimi ishte anëtar aktiv i këtij klubi.
Kryesia e FFSHGJ, në emër të komunitetit futbollistik shqiptar në Gjermani u shpreh ngushëllime familjeve Seta e Hyseni si dhe klubit FC Albania Mainz-Kastel për humbjen e familjarëve dhe anëtarëve të tyre.
Admiri kishte vendosur që nga janari të kthehej sërish në pozitën e trajnerit të klubit shqiptar.
Pushofshi në paqe Admir e Leutrim”, shpreh ngushëllime Kryesia e FFSHGJ-së, Ruzhdi Statovci, kryetar.
