Edhe një herë flitet për ofendimet raciste ndaj Vinicius Jr. Sulmuesi brazilian, tashmë viktimë e ofendimeve të rënda disa muaj më parë për festimet e tij pas golave, u sulmua ashpër nga tifozët e Valladolidit, me video të shumta në rrjetet sociale që dëshmojnë gjithçka.
Ndodhi në ndeshjen e fundit të La Liga-s, e fituar nga Real Madrid 2-0 pikërisht në fushën e Nuevo José Zorrilla. Vinicius u zëvendësua në minutën e 42-të të pjesës së dytë dhe gjatë ecjes drejt stolit, u bë viktimë e zemërimit të tifozëve kundërshtarë, mes hedhjes së sendeve dhe gjesteve raciste si imitimi i një majmuni.
Sulmuesi i ri i Los Blancos nuk iu përgjigj menjëherë tifozëve, duke u kthyer pa protestë në stol. Në rrjetet sociale, megjithatë, ai u shpreh me një mesazh të ashpër që u bë viral brenda pak orësh.
“Racistët vazhdojnë të jenë të pranishëm në stadiume, – shkruan Vinicius Jr në rrjetet sociale, – dhe të shikojnë nga afër klubin më të madh në botë.
“Ndërkohë, La Liga vazhdon të mos bëjë asgjë. Unë do të vazhdoj të luaj ballë për ballë dhe të festoj fitoret e mia me Real Madrid. Në fund, është edhe faji im”.
