Trajneri i Napolit, Luciano Spalletti i është kundërpërgjigjur kolegut të tij Allegri, në prag të super duelit ndaj Juventusit. Sipas tij ai gënjen, pasi Juventusi është favorit
“Unë e kuptoj që për Allegrin është e leverdishme të luajë si aktor dytësor, por për një Juventus që është gjithmonë i mbushur me kampionë është e pamundur të fshihet nga roli favorit, disa investime shpërblehen vetëm duke luajtur për Scudetton dhe Champions League.
Është e kotë të vendosësh një kapele apo mjekër false, Juventus nuk kënaqet me vendin e katërt.
Kur vesh fanella kaq të rëndësishme, e shoh të vështirë të luash me frikë, askush nuk do të ketë frikë, ka lojtarë me personalitet dhe teknikë të fortë dhe të dy do të luajnë për të fituar dhe do të jetë një shfaqje e mrekullueshme.
Mbrojtja e hekurt e Juves? Ata rrëzohen para zonës së penalltisë, për ta është më e lehtë mbrojtja se sa sulmi. Por, unë i njoh lojtarët e mi, ata janë profesionistë dhe të talentuar. Nëse do të luajnë së bashku si një ekip, atëherë ata do ta vendosin në vështirësi ekipin kundërshtar”, deklaroi Spalletti.
