Karim Benzema foli për mediat në një konferencë për shtyp të shtunën pasdite dhe një nga temat e trajtuara ishte marrëdhënia e tij me Cristiano Ronaldon.
Sulmuesi portugez, i cili së fundmi iu bashkua Al Nassr, vizitoi seancën stërvitore të Real Madridit të premten në Riad të Arabisë Saudite.
Benzema u pyet se pse nuk kishte foto të dy ish-shokëve të skuadrës nga ai takim dhe francezi zbuloi se ata në fakt nuk i kishin kryqëzuar rrugët.
“Mendoj se Cristiano Ronaldo është i lumtur këtu, shpresoj që ai të vazhdojë të shënojë gola dhe të jetë vendimtar”.
“Ai ishte në seancën tonë stërvitore, por ne nuk kishim nevojë për një foto për të treguar se jemi miq. Nuk na duhet kjo për Instagram dhe Twitter dhe të gjitha këto”.
“Edhe pse ai ishte aty, nuk pata kohë për ta përshëndetur. Shpresoj që ta shoh nesër në finale dhe të flas me të”, ka thënë Benzema.
