Në pritje për të kuptuar nëse Radja Nainggolan do të rikthehet në Sardenjë, drejtori sportiv i Cagliarit, Tomazo Xhiulini, po punon për t’i dhënë Claudio Ranierit një qendërmbrojtës.
Trajneri i njohur që u shpall kampion në Angli me Leicesterin kërkon një mbrojtës me eksperiencë, teksa në pjatë drejtori sportiv i ka vënë edhe emrin e një lojtari të Kombëtares shqiptare.
Fjala është për Kastriot Dermakun, shqiptarin që është në pronësi të Lecces dhe i skadon kontrata në qershor të këtij viti, dhe këtë sezon ka luajtur vetëm 193 minuta në vetëm tri ndeshje.
Aktualisht ai është i dëmtuar dhe një kalim në Serinë B do të sillte më shumë hapësirë për të.
