Tani nuk ka më dyshime. Ndeshja mes Polonisë dhe Shqipërisë, e vlefshme për kualifikueset e Kampionatit Europian 2024, do të zhvillohet në Varshavë.
Kreu i Federatës Polake të Futbollit, Çezari Kulesza, konfirmoi se ndeshja Poloni-Shqipëri do të zhvillohet në Varshavë, në stadiumin “PGE Narodoey”.
”Ne donim shumë të luanim në shtëpinë e kombëtares polake, pra në “PGE Narodoey”.
Ky stadium është me fat për ne, është vendi ku kemi kaluar në Kampionatin Europian të 2016ës dhe 2020-ës, si dhe në Kampionatin Botëror 2018.
Në Varshavë donim të luftonim edhe për “EURO 2024”.
Punëtori i stadiumit na siguroi se ky objekt do të ishte plotësisht i sigurt dhe gati për t’u përdorur për ndeshjen kundër Shqipërisë në mars”, tha kreu i federatës polake.
Në këtë stadium u zhvillua edhe ndeshja e fundit mes Polonisë dhe Shqipërisë, ajo e 2 shtatorit 2021, kur ekipi i Levandovskit fitonte 4:1.
