Reims është surpriza më e bukur e këtij sezoni në Ligue 1, sidomos pas javës së dhjetë.
Drejtuesit e klubit ku bën pjesë edhe Arbër Zeneli, i besuan stolin një 30-vjeçari më 13 tetor.
William Still nuk kishte punuar kurrë më parë si trajner i parë.
Belgu, i cili nisi profesionin e tij të dashur nga loja “Football Manager”, po e shfrytëzon në maksimum këtë mundësi.
Still ka bërë një punë fantastike dhe e ka kthyer Reims në skuadër të “pathyeshme”. Futboll i bukur, mbrojtje “blind”, gola dhe rezultate pozitive.
Reims ka një seri fantastike prej 17 ndeshjesh pa humbje në Ligue 1, kampionat ku trajneri belg nuk e ka shijuar akoma disfatën.
Gjatë 15 takimeve që ka drejtuar Reims, skuadra ka pësuar vetëm shtatë gola mes shtatë fitoreve dhe tetë barazimeve.
Duke llogaritur pikët e mbledhura pas javës së dhjetë, Reims ndan vendin e katërt me Marseille me nga 29 pikë. Në krye është PSG me 34 pikë.
