Chelsea shpreson ta vjedhë yllin e Barcelona-s Frenkie de Jong nga duart e Manchester United. Blutë po planifikojnë të bëjnë një ofertë me vlerë 80 milionë euro për holandezin.
De Jong, 25 vjeç, dëshiron të qëndrojë te Barça, por mund të detyrohet të largohet për shkak të situatës financiare të klubit.
Raportet sugjerojnë se presidenti i klubit Joan Laporta dhe trajneri Xavi e shohin shitjen e mesfushorit si një nga mënyrat për të zgjidhur problemet e tyre financiare.
Barcelona mund të mos jetë në gjendje të nënshkruajë lojtarë këtë verë me La Liga-n që ia ka ndaluar në mënyrë efektive merkaton derisa të arrijnë të balancojnë financat. Shefi i ligës, Javier Tebas, ka bërë thirrje publikisht që klubi të reduktojë shpenzimet e tyre dhe ka sugjeruar se ata mund të duhet të bëjnë shkurtime prej 200 milionë eurosh.
Ai tha: “Ata duhet të zvogëlojnë investimet e tyre në lojtarë dhe ne i kemi inkurajuar ata të shesin lojtarë sepse për çdo shumë që ata mbledhin në shitje ata mund të shpenzojnë 40 për qind të kësaj shume”.
Manchester United dhe Chelsea ishin të dy në garë për De Jong verën e kaluar. Ofertat e shumta të Djajve të Kuq panë që ofertat e tyre të të dështonin dhe lojtari shprehu dëshirën e tij për të luftuar për vendin e tij te Barça.
Trajneri i United, Erik ten Hag ka punuar me De Jong tek Ajax dhe ai përsëri mendohet të jetë i interesuar të rikthehet për të në fund të sezonit. Holandezi është i prirur të ndërtojë ekipin e tij rreth çiftit të mesfushës De Jong-Casemiro.
Ndërkohë, edhe Chelsea ka parë t’i refuzohet një ofertë prej 74 milionë eurosh para fillimit të sezonit.
Dhe pavarësisht se shpenzuan 118 milionë euro për Enzo Fernandez në janar, interesi i tyre për De Jong është akoma shumë i gjallë.
