E ardhmja e Inzaghit në mëdyshje!
E ardhmja e Simone Inzaghit në krye të Interit është vënë në dyshim serioz këto javët e fundit dhe drejtuesit e klubit zikaltër po mendojnë për një mbyllje të bashkëpunimit me teknikun në fund të sezonit.
Interi ka zhgënjyer këtë vit në kampionat, ku ka pësuar 9 humbje në 27 ndeshje të luajtura, por nëse skuadra arrin që të ecë në Champions League, atëherë pozitat e teknikut mund të forcohen sërish.
Gjithsesi drejtuesit i klubit po punojnë për të gjetur pasardhësin e Inzaghit. Mes emrave më të lakuar për të marrë drejtimin e Interit në rast të largimit të teknikut aktual janë: Antonio Conte, Vincenzo Italiano, Roberto De Zerbi dhe Thiago Motta.
