Arsene Wenger ka zbuluar këshillat e tij për çdo trajner që mendon të marrë drejtimin e Chelsean pas largimit të tyre nga Liga e Kampionëve.
Është e qartë se Frank Lampard është një opsion i përkohshëm dhe se dikush tjetër do të vijë në fund të sezonit si një zgjidhje afatgjate.
Wenger ka të njëjtën këshillë, dhe kjo vlen edhe për Todd Boehly dhe pjesën tjetër të Bordit të Klubit, gjë që është parë në disa raste javët e fundit.
“Unë nuk do ta duroja këtë. E kam pasur gjithmonë në kontratën time. Kjo është këshilla ime për të gjithë trajnerët e rinj dhe ata që duan të marrin Chelsean, vendoseni gjithmonë në kontratën tuaj”.
“Ju jeni i vetmi që duhet folur me lojtarët në dhomën e zhveshjes, askush nuk mund të blejë lojtarë pa pëlqimin tuaj, askush nuk duhet të përzihet me ekipin, kjo është vetëm përgjegjësia juaj”.
“Ju duhet ta bëni këtë sapo të filloni negociatat me klubet, sepse atëherë është menjëherë e qartë për ta se ku jeni. Nëse përpiqeni ta bëni pasi keni humbur tre ndeshje, është tepër vonë. Gjëra të tilla duhet të jenë sa më qartë që të jetë e mundur menjëherë”, ka thënë Wenger.
