Shqiptari Ezgian Alioski dhe skuadra e tij, Fenerbahce, e kthyen sërish rezultatin në një ndeshje të çmendur, pasi triumfuan në udhëtim me rezultat 2:1 ndaj Basaksehir-it, në takimin e javës së 30-të të Superligës turke.
Fenerbahce mbetet në hap për titull, duke shpresuar se mund të arrijë Galatasaray-n.
Vendasit kaluan në epërsi (1:0) në minutën e 30-të me anë të Aleksiqit.
Rezultatin 1:1 e ka barazuar Joao Pedro në minutën e 88-të, dhe për 1:2 ishte vepër e të njëjtit lojtar në minutën e 90+3.
Alioski ishte në stol, ndërsa u paraqit në fushë në fillim të pjesës së dytë dhe festuan fitoren.
Galatasaray kryeson me 69 pikë, ka 6 më shumë se Fenerbahce dhe Basaksehir renditet në pozitën e 6-të me 45 sosh.
