“Klasikja” e futbollit shqiptar midis Vllaznisë dhe Tiranës pritet të ndezë javën e 30-të të Superiores.
Klubi shkodran, disa orë përpara startit të ndeshjes, bëri një lajmërim për tifozët në rrjetet sociale.
Kuqeblutë njoftuan se dyert e stadiumit do të hapeshin dy orë përpara startit të takimit, për shkak se rrugët kryesore pritet të bllokohen nga policia.
"Në kuadrin e masave të shtuara që janë ndërmarrë nga policia e shtetit për ndeshjen e sotme Vllaznia- Tirana, që konsistojnë në bllokimin e rrugëve kryesore, kontrollet e shtuara nga grupet e sigurisë për mbarëvajtjen e ndeshje, bëjmë të ditur se për të eliminuar dyndjet e tifozëve, ju bëjmë me dije se dyert e stadiumit "Loro Boriçi" do të hapen dy orë përpara fillimit të ndeshjes, pra duke nisur nga ora 16.00", njofton FC Vllaznia.
