Ish-futbollisti i Barcelonës, Dani Alves mbetet pas hekurave në një burg të Barcelonës teksa akuzohet për përdhunimin e një vajze 23-vjeçare në ditët e fundit të muajit dhjetor.
Ngjarja pretendohet të ketë ndodhur në një diskotekë të Barcelonës me vajzën e cila akuzon brazilianin se abuzoi seksualisht me të në tualet.
Mirëpo, Alves është vetëdeklaruar i pafajshëm në gjyq dhe së fundmi një “dorë të madhe” për të fituar çështjen ja jep edhe avokati, Cristobal Martell.
Ky i fundit i ka paraqitur Prokurorisë një dosje me 200 faqje ndërsa në brendësi është edhe një video 12 minutëshe nga diskoteka në Barcelonë.
Në fakt, kjo video mund të jetë edhe “pika e kthesës” në gjyqin e Dani Alves pasi në të shihet se vajza që pretendon se është abuzuar seksualisht ishte nën shoqërinë e kushërirës së saj në momentin që 39-vjeçari largohet për në tualet.
Në të njëjtën video, në momentin që Alves ishte në tualet, kushërira dëgjohet të flasë duke thënë se foli me të afërmen e saj nëse duhej t’i shkonte nga pas brazilianit apo jo.
Në këtë formë, avokati synon të provojë se gjithçka ka ndodhur me miratimin e të dyja palëve dhe se i përfaqësuari i tij në asnjë moment nuk ka kryer një veprim me forcë kundër vajzës 23-vjeçare.
