Real Madridi arriti të fitonte Kupën e Mbretit mbrëmjen e djeshme ndaj Osasunës, aty ku Rodrigo shkëlqeu me dy gola në fitoren 2-1.
Titullar për madrilenët e nisi takimin edhe mesfushori francez, Eduardo Kamavinga i cili fitoi një tjetër trofe me skuadrën e tij. Kamavinga bëhet futbollisti më i ri në historinë e Real Madridit që ka fituar të gjithë trofetë e mundshëm.
I transferuar në vitin 2021 te Real Madridi, 20-vjeçari ka arritur të fitojë plot 6 trofe me skuadrën e tij.
Liga e Kampioneve, Superkupa e Europës, Botërori i Klubeve, Superkupa e Spanjës, Kupa e Spanjës dhe titulli kampion janë trofetë që futbollisti ka arritur të fitojë me skuadrën e Realit.
