Roma arriti të fitonte në Ligën e Europës ndaj Leverkusenit, por festa nuk i ka zgjatur shumë asistentit të Murinjos, Salvatore Foti.
Zv. trajneri ishte i pezulluar nga UEFA për shkak të sjelljes së gabuar në ndeshjen ndaj Fejnordit dhe u detyrua ta shihte ndeshjen nga tribuna. Pas takimit, Foti është përballur me një situatë të pakëndshme.
Asistenti i Murinjos e ka gjetur makinën e tij pa derën e shoferit dhe derën e mbrapme të pasagjerit.
Mediat italiane bëjnë me dije se nuk është diçka personale me trajnerin, por është një akt vjedhje nga persona të pa identifikuar ende. Policia e Romës ka nisur nga puna për të gjetur grabitësit të cilët shkatërruan makinën e trajnerit.
