Anësori argjentinas Angel Di Maria duket se të paktën edhe sezonin e ardhshëm, do të vesh fanellën e klubit të madh italian, Juventus.
‘Zonja e Vjetër’, sipas medieve italiane, është afër marrëveshjes me argjentinasin për vazhdimin e kontratës deri në vitin 2024.
Torinezët tashmë janë duke punuar në ndërtimin e një skuadre të denjë për sezonin e ardhshëm, dhe siç raportohet, Di Maria është në listën e trajnerit Massimiliano Allegrit.
“Juventusi është duke vazhduar bisedimet me Di Marian për vazhdimin e kontratës deri në vitin 2024”, shkruajnë mediet italiane.
