Në një finale si ajo në Ligën e Kampioneve, dëshira e çdo trajneri është të ketë të gatshëm të gjithë lojtarët. në këtë mënyrë ai do të mund të hidhte në fushë formacionin më të mirë.
I tillë është rasti i Mançester Sitit, me trajnerin Pep Guardiola që i ka të gatshëm të gjithë lojtarët.
I vetmi problem nëse mund të quhet i tillë ishte me Kajl Uolker, i cili nuk u stërvit në dy ditët e para.
Por mbrojtësi i kombëtares angleze ka lënë pas çdo shqetësim të mundshëm dhe është gati për finalen e madhe dhe në shërbim të trajnerit Guardiola.
Sa për pjesën tjetër e gjithë “artileria e rëndë” e Guardiolës është në shërbim të trajnerit spanjoll, i cili do të kërkojë t’i japë fund mallkimit në Champions.
