Portali Transfermarkt, i specializuar në merkaton e futbollit, ka përditësuar vlerat në merkato të futbollistëve në kampionatin saudit.
Sulmuesi i Al Nassr, Cristiano Ronaldo, pas një sezoni të mbyllur pa trofe ka parë vlerën e tij të bjerë me 5 milionë euro dhe tani vlen vetëm 15 milionë euro.
Portugezi vlen më pak se shumë lojtarë si sulmuesi Giovanni Simeone, i cili ka një vlerë në merkato prej 17 milionë eurosh. Ronaldo u transferua tek Al Nassr në fundin e vitit të kaluar pas largimit me polemika nga Manchester United.
Në kampionatin arab, Cristiano ka shënuar 14 gola në 16 ndeshje dhe skuadra nuk ka arritur ta fitojë titullin.
