Lionel Messi mund të luajë me fanellën e Barcelonës një herë të fundit vitin e ardhshëm.
Legjenda argjentinase, 36 vjeç, ishte shumë afër një rikthimi te katalanasit këtë verë pasi u konfirmua se ai do të largohej nga Paris Saint-Germain.
Por Barcelona nuk arriti të sigurojë që Messi të ishte në gjendje të regjistrohet për shkak të problemeve të tyre financiare.
Ai më pas zgjodhi të pranonte ofertën e skuadrës së MLS të David Beckham – duke nënshkruar një marrëveshje dyvjeçare me opsionin përr rinovuar për një vit tjetër.
Megjithatë, ka ende një shans që Messi të paraqitet për Barcelonën në vitin 2024.
Kjo për shkak se presidenti i kampionëve të La Ligës, Joan Laporta, ka pohuar se ai mund të luajë një ndeshje të vetme kur të rihapet Nou Camp.
Barcelona do të luajë në stadiumin Lluis Companys në Montjuic sezonin e ardhshëm pas fillimit të rinovimeve në Camp Nou.
Më pas ata do të kthehen në Camp Nou me një kapacitet të reduktuar për sezonin 2024/25 dhe me kapacitet të plotë sezonin e ardhshëm.
Dhe Laporta beson se ndeshja e parë në stadiumin e madh mund të festohet me një kthim të Messi-t.
Duke folur për TV3, ai tha: “Barca do të jetë gjithmonë shtëpia e tij.
“Unë u takova me përfaqësuesit e Messit për një ndeshje në nder të tij. Dita e hapjes së Spotify Camp Nou do të ishte një datë e shkëlqyer”.
Barcelona ishte e zhgënjyer që humbi Messin pasi Inter Miami vulosi nënshkrimin e tij.
Laporta tha: “Messi donte të kthehej në Barca. Ai kishte një periudhë shumë të vështirë në Paris. Babai i tij më tha se nuk donte të kishte këtë presion. Ne e respektojmë atë. I urojmë sukses në Miami”.
