Kërkimi për portierët e Inter-it vijon pas lamtumirës së Onana-s, Handanoviq dhe Cordaz.
Sipas Calciomercato.it, dy emrat për portën e zikaltërve janë Sommer dhe Trubin.
Marotta dhe Ausilio shpresonin t’i jepnin Sommer Simone Inzaghit në turneun aziatik, ku përfshihet edhe Bayern Munich, por negociatat nuk kanë arritur ende në fazën përfundimtare.
Në të vërtetë, Thomas Tuchel në orët e fundit ka thënë: “Ka një dëshirë nga Sommer, por ai ka një kontratë dhe ne duhet të mbrojmë interesat e klubit. Sigurisht që ai mund të qëndrojë me ne”.
Klubi gjerman nuk bën zbritje për portierin zviceran, të njëjtin pozicion që Shakhtar Donetsk po mban për Trubin. Edhe rruga që të çon te portieri ukrainas është ende përpjetë.
Ditët e fundit është folur për një marrëveshje të mundshme mes Inter-it dhe Trubin për një transferim me kosto zero në vitin 2024. Klubit ukrainas, megjithatë, nuk do t’i kishte pëlqyer aspak.
Sipas asaj që është raportuar nga O Jogo në Portugali, marrëveshja tashmë është arritur dhe Trubin ka zemëruar Shakhtar Donetsk, që është në bisedime me Benfica-n.
Kështu klubi do ta kishte ‘kërcënuar’ portierin, në rast të një marrëveshjeje me Interin për vitin 2024, ta linte jashtë skuadrës për sezonin e ardhshëm deri në skadimin e kontratës. Kështu, Trubin do të kalonte një vit të tërë pa luajtur.
