Kuqezinjtë më 9 shtator në “Lidl Arena” në Zvicër do të përballen me FC Wil në një ndeshje miqësore të cilës do t’i paraprijë program i pasur kulturo-artistik.
KF Shkëndija do të prezantohet para diasporës më 9 shtator 2023, kur në qytetin e Wil-it do të ndeshen me anëtarin e Challange League të Zvicrës.
FC Wil dhe KF Shkëndija kanë firmosur akordin për zhvillimin e ndeshjes miqësore me karakter kulturo-sportiv e argëtues për diasporën që jeton e vepron në Zvicër dhe jo vetëm.
"Duelit miqësorë Wil-Shkëndija do t’i paraprijë program i pasur kulturo-artistik e sportiv, ku do të performojnë pelivana nga Maqedonia në prezencën e kampionit Olimpik, Shaban Tërstena, Shoqëria Kulturo Artistike “Xheladin Zeqiri” nga Tetova, minikoncert i grupit “Elita 5” e shumë befasi tjera që do të organizohen nga shqiptarët që jetojnë e veprojnë në Zvicër", njofton klubi kuqezi.
