Fushë Kosova ka pësuar humbje të thellë në udhëtim te Malisheva me rezultat 6-1 në kuadër të xhiros së dytë në Albi Mall Superligën e Kosovës.
Trajneri Burim Shala ka thënë pas ndeshjes se në këtë rezultat ndikoi kartoni i kuq që pranuan në minutën e 25-të.
“E filluam ndeshjen mirë. Malisheva ishte e rrezikshme nga krahët por deri në minutën e 25-të, gjithçka shkoi sipas planit, shkoi mirë”, ka thënë ai pas ndeshjes për ArtSport.
“U ndëshkua me të kuq kapiteni dhe ndryshoi loja. Largimi i tij ndikoi në lojë dhe rezultat. Kjo nuk guxon të ndodhë. Ne duhet t’i lëmë prapa gabimet dhe të punojmë”.
“Është loja e parë. Duhet t’i përmirësojmë gabimet dhe të kthehemi më të fortë”, ka potencuar më tej Shala.
Me karton të kuq u përjashtua kapiteni Valmir Kutllovci, duke lënë kështu skuadrën për pjesën më të madhe të ndeshjes me dhjetë lojtarë, ndërsa te Malisheva, Drlon Hazrollaj ishte i pandalshëm duke realizuar het-trik.
